Վրաստանի դատախազությունը բանտարկյալին խոշտանգելու փաստով պատասխանատվության է ենթարկել Քրեակատարողական վարչության թիվ 8 հիմնարկի նախկին տնօրեն Ալեքսանդր Մուխաձեին (մականունը՝ «Քիլեր»),- այս մասին հայտարարել են դատախազությունում կայացած ճեպազրույցում:

«Գործի քննությամբ պարզվել է, որ 2011 թվականի մայիսին Քրեակատարողական վարչության թիվ 8 հիմնարկում թմրանյութ գնելու և պահելու փաստով ձերբակալված անձից, Մեգիս Քարդավան և Ալեքսանդր Մուխաձեն պահանջել են խոստովանել գոյություն չունեցող ահաբեկչական գործողություններին մասնակցելը, ինչպես նաև իբր հանցանքին մասնակից այլ անձանց դեմ ցուցմունք տալը, հակառակ դեպքում սպառնացել են բռնաբարել նրան: Ինչպես նաև, ըստ գործում առկա ցուցմունքների, նշված անձին թմրանյութ են դրել կալանավորման հիմք ստեղծելու համար։

Ցուցմունք տալուց հրաժարվելուց հետո կալանավորին տեղափոխել են այսպես կոչված բանտի «Կարանտին», որտեղ ցույց են տվել թե ինչպես են սեռական ոտնձգություններ կատարել բանտարկյալներից մեկի վրա, որից հետո տուժողին սպառնացել են, որ եթե նա ցանկալի խոստովանություն չտա, իրեն նույնպես կբռնաբարեն։ Ալեքսանդր Մուխաձեն բազմիցս ֆիզիկական բռնություն է գործադրել բանտարկյալի վրա: Ֆիզիկական և հոգեբանական ճնշումներից հետո տուժողը Մեգիս Քարդավայի ցուցմունքով խոստովանություն է գրել գոյություն չունեցող ահաբեկչական գործողություններին իր մասնակցության մասին:

Խոշտանգումների արդյունքում ստացված խոստովանական ցուցմունքը բավականաչափ սպառիչ չի եղել Ալեքսանդր Մուխաձեի և Մեգիս Քարդավայի համար, որի պատճառով նրան ստիպել են ուտել այդ թուղթը։

Ցանկալի ցուցմունք ստանալու համար նրան տեղավորել են խցերից մեկում, որտեղ դիմակ հագած մյուս կալանավորներին ստիպել են սեռական ոտնձգություն կազմակերպել, ինչը նկարահանվել է տեսախցիկով։

2011 թվականի մայիսից մինչև 2012 թվականի փետրվարը տուժողը բազմիցս հարցաքննվել է։ Ահաբեկչությունը, կարծես, բացահայտված էր այլ անձանց համար։ Առերեսումներից մեկի ժամանակ, ցանկալի ցուցմունք ստանալու համար, Մեգիս Քարդավան բանտարկյալի գլխին ատրճանակ է դրել և հոգեբանական ազդեցության համար կատարել է կրակոցի իմիտացիա:

Վախենալով ծեծից, խոշտանգումներից, սեռական ոտնձգությունների կադրերի տարածումից և շարունակական ֆիզիկական բռնությունից՝ տուժողը ստիպված է եղել խոստովանական ցուցմունք ստորագրել հօգուտ իր տանջողների։

Նա փորձել է ինքնասպան լինել Ալեքսանդր Մուխաձեի, Մեգիս Քարդավայի և հաստատության այլ աշխատակիցների կողմից կալանավորին խոշտանգելու բազմաթիվ փաստերի պատճառով։

Հատկանշական է նաև, որ չնայած նրան, որ մեղադրյալները ստացել են իրենց համար ցանկալի ցուցմունքները, նման ահաբեկչության բացակայության պատճառով հետաքննություն չի սկսվել, իսկ ահաբեկչությանը մասնակցելու համար կալանավորը քրեական հետապնդման է չի ենթարկվել։

Ինչպես հայտնի է հանրությանը, Մեգիս Քարդավան բերման է ենթարկվել Ուկրաինայի տարածքում Վրաստանի իրավապահ մարմինների միջնորդությամբ։ Նրա բնակարանում խուզարկության ժամանակ առգրավվել են մի շարք տեսագրություններ, որոնք պահանջվել են Ուկրաինայի համապատասխան իրավասու մարմնից։

Տուժող բանտարկյալը քրեակատարողական հիմնարկը լքել է միայն 2013 թվականին իշխանափոխությունից հետո։

Քանի որ Ալեքսանդր Մուխաձեն խուսափում է ներկայանալ քննչական մարմնին, խոշտանգումների համար նրան հեռակա մեղադրանք կառաջադրվի Վրաստանի քրեական օրենսգրքի 1441-րդ հոդվածի 2-րդ մասով։ Մեղադրանքը նախատեսում է ազատազրկում՝ իննից 15 տարի ժամկետով», – հայտնել են դատախազությունից։