Թբիլիսիի քաղաքային դատարանում կայացել է Վրաստանի պաշտպանության նախկին նախարար, «հաղթող Վրաստան» կուսակցության առաջնորդ Իրակլի Օքրուաշվիլիի դատավարությունը:

Դատական ​​նիստում հարցաքննվել են մեղադրող կողմի վկաները, երկու քննիչ և ՆԳՆ-ի մամուլի ծառայության մեկ աշխատակից: Քննիչները խոսել են քննչական գործողությունների մասին, իսկ մամուլի ծառայության աշխատակիցը այն տեսանյութի մասին, որը նախարարության մամուլի ծառայությունը նկարահանել էր հունիսի 20-ին:

Անձամբ Իրակլի Օքրուաշվիլին ներկա չեր դատական ​​նիստին:

Այսօրվա նիստին դատարանը քննարկել է նաև նրա խափանման միջոցը փոխելու հարցը, սակայն Իրակլի Օքրուաշվիլին մնացել է կալանքի տակ:

«Տարբեր քննիչներ միևնույն ժամանակ օգտագործում են միևնույն բառերը և թույլ են տալիս սխալներ: Սա, իհարկե, հարցերի հիմքն է: Բացի այդ, պարզվում է, որ կոնկրետ քննիչը հայտարարել է, որ հակամարտությունը տեղի է ունեցել հասարակության և ոստիկանության միջև, և փաստորեն ոստիկանությունը որպես կողմ հետաքննել է այդ գործը, ինչը կարծում եմ խոչընդոտում է օբյեկտիվությանը»,- ասել է Իրակլի Օքրուաշվիլիի փաստաբան, Վախթանգ Իաշվիլին:

Հետաքննությունը մեղադրում է Օքրուաշվիլիին ՝ հունիսի 20-ի հանրահավաքի ժամանակ խմբովի բռնություն կազմակերպելու մեջ:

Հաջորդ նիստը նշանակված է հունվարի 23-ին, ժամը 13:00-ին: