Դանիայի Գունդսլև քաղաքի հարևանությամբ վերջերս կառուցված աշխարհի «ամենամարդասիրական բանտը» հեշտությամբ կարելի է շփոթել համալսարանական հանրակացարանի հետ:
Բանտախցերից յուրաքանչյուրում կա սառնարան, հեռուստացույց, պահարան, մեծ պատուհան, հարմարավետ մահճակալ, լուսամփոփով գրասեղան և անձնական լոգասենյակ: Մեկ բանտախցի մակերեսը մոտ 4 քմ է:
Հաստատությունում կան նաև ընդարձակ ընդհանուր սրահներ, խոհանոցներ, որտեղ կալանավորը կարող է կերակուր պատրաստել իր համար, ինչպես նաև եկեղեցի, մարզահրապարակ և դահլիճ, այգիներ և նույնիսկ գյուղատնտեսական մշակովի հողեր:
Ինչպես նշել են բանտի հեղինակները, նրանք աշխատել են կալանավորների համար հարմարավետին առավելագույնս մոտ պայմաններ ստեղծել: Ըստ նրանց մտահղացման, դա նպաստում է կրկնահանցագործությունների քանակի նվազմանը:
Մինչև 250 կալանավորի համար նախատեսված բանտի կառուցման վրա ծախսվել է մոտ 160 մլն դոլար:
