Կրթության խորհրդարանական կոմիտեի նախագահ Մարիամ Ջաշի հայտարարությամբ, Թբիլիսիում, Խորավայի փողոցում, երեկ տեղի ունեցած փաստի մասին զրուցել են կրթության նախարարի հետ, ինչպես նաև նախատեսվում է հանդիպում ՆԳՆ-ում: Ինչպես հայտնել է լրագրողներին Մարիամ Ջաշին, դպրոցի տարածքից դուրս անվտանգության նորմերը ուժեղացնելու համար կարվեն հավելյալ քայլեր:
«Իմ տեղեկությամբ, երեկ դպրոցի տարածքում մանդատուրի ծառայությունը կատարում էր իր պարտականությունը: Այն, ինչ երեկ տեղի է ունեցել, դպրոցի տարածքից դուրս էր, մենք հավանաբար պետք է մտածենք մանդատուրի ծառայության ընդլայնման մասին, որպեսզի կարողանանք դպրոցից դուրս որոշ հեռավորության վրա իրականացնել մոնիթորինգ:
Երեկ ոչ վարչությունը և ոչ էլ մանդատուրները կասկածի հիմք չեն ունեցել, որ կարող է տեղի ունենար կոնֆլիկտ»,- հայտարարել է Մարիամ Ջաշին:
ՆԳՆ-ի տեղեկությամբ, շտապ օգնության օպերատիվ կառավարման «112» կենտրոնում ընթացիկ տարվա դեկտեմբերի 1-ին, 14:10-ին գրանցվել է հաղորդագրություն, որ Թբիլիսիում, Խորավայի փողոցում երկու անչափահասների միջև բախում է տեղի ունեցել:
Ստացված հաղորդագրությանը ոստիկանությունը արագ արձագանք է տվել: Օպերատիվ կերպով դեպքի վայր են գնացել իրավապահները և շտապ օգնության բրիգադը: Նախնական տեղեկությամբ, վիճաբանության ժամանակ սառը զենքով վիրավորել են երկու երիտասարդի, որոնցից մեկին տեղափոխել են հիվանդանոց, իսկ մյուսը ստացված վիրավորման հետևանքով նախքան հիվանդանոց տանելը՝ ճանապարհին մահացել է:
Տեղի ունեցած փաստի կապակցությամբ Թբիլիսիի ոստիկանության վարչությունը հետաքննություն է սկսել Վրաստանի ՔՕ-ի 108-րդ հոդվածով (կանխամտածված սպանություն): Դեպքի վայրում ընթանում են քննչական գործողություններ:
