Չունեմ կոնկրետ ապացույցներ, սակայն հավանաբար Ռուսաստանը կփորձի միջամտել Վրաստանի ընտրություններին. Քելլի Դեգնան
Չունեմ կոնկրետ ապացույցներ, սակայն հավանաբար Ռուսաստանը կփորձի միջամտել Վրաստանի ընտրություններին. Քելլի Դեգնան

Չունեմ կոնկրետ ապացույցներ, սակայն հավանաբար Ռուսաստանը կփորձի միջամտել Վրաստանի ընտրություններին,- այս մասին առցանց ճեպազրույցի ժամանակ հայտարարել է, Վրաստանում Ամերիկայի Միացյալ Նահանգների դեսպան՝ Քելլի Դեգնանը:

«Մենք բոլորս տեսել ենք, թե որքան ակտիվ և ստեղծագործ է ռուսական ապատեղեկատվությունը, որը միջամտում է շատ ընտրություններին և Վրաստանը ակնհայտ թիրախ է: Ամերիկան, Բրիտանիան և միջազգային այլ գործընկերներ օգնում են Վրաստանին, ավելի լավ գնահատել ստացված տեղեկատվությունը: Չունեմ կոնկրետ ապացույցներ, սակայն հավանաբար Ռուսաստանը կփորձի միջամտել Վրաստանի ընտրություններին: Մեծ հաջողություն կլինի, եթե Վրաստանը կարողանա լավ ընտրություններ անցկացնել և մեկ անգամ ևս դառնել օրինակելի ոչ միայն այս տարածաշրջանում, այլև այլ տարածաշրջաններում»,- ասել է Քելլի Դեգնանը:

Նրա խոսքով, կարևոր է նաև կիբերանվտանգության հարցը, քանի որ վերջերս Վրաստանում իրականացվել են մի շարք կիբերհարձակումներ: