Կենտրոնական ընտրական հանձնաժողովի պարզաբանմամբ, չնայած ԿԸՀ-ի կայքում ընտրությունների երկրորդ փուլի արդյունքների հրապարակման ընթացքում տեխնիկական թերություններին, վարչակազմը ժամանակին արձագանքել է և արդյունքները հնարավորինս շուտ հասանելի էին: Բացի այդ, ԿԸՀ-ում ասում են, որ պատճառները պարզվում են:

«Նոյեմբերի 21-ին անց է կացվել խորհրդարանական ընտրությունների երկրորդ փուլը: Ընտրատեղամասերը փակելուց հետո, ինչպես գիտեք, սկսվել է ամփոփ արձանագրությունների շրջանային ընտրական հանձնաժողովներին ներկայացնելու գործընթացը, որից հետո արձանագրությունները վերբեռնվել են համապատասխան էլեկտրոնային ծրագրում:

Նոյեմբերի 21-ին գիշերը, ժամը 21:30-ից սկսվել է արձանագրությունների տեղադրումը results.cec.gov.ge հատուկ կայքում: Չնայած տվյալների հրապարակման գործընթացում առկա էին որոշակի տեխնիկական / ծրագրային թերություններ, ընտրական վարչակազմը ժամանակին արձագանքեց և երկրորդ փուլի նախնական արդյունքները այլընտրանքային ձևաչափով հնարավորինս շուտ հասանելի դարձան բոլորին: Հարկ է նշել, որ սովորական ձևաչափով արդյունքները շուտով հասանելի դարձան, սակայն դրա պատճառները լրացուցիչ պարզվում են:

Ամփոփ արձանագրությունները վերբեռնելու և տվյալների մշակման ընթացակարգերը շարունակվում էին: Այս գործընթացը հեռարձակվել է ինչպես ԿԸՀ-ի կայքում (cesko.ge), այնպես էլ հանձնաժողովի սոցիալական ցանցերի միջոցով: Յուրաքանչյուր ամփոփ արձանագրություն ցուցադրված է կայքում և յուրաքանչյուր ոք ունի այդ մանրամասներին հասանելիություն», – հայտարարել է Նաթիա Իոսելիանին: