Բռնությունը անընդունելի է, դատապարտում եմ այսօր զարգացած իրադարձությունները, բռնության ցանկացած տեսքով և ձևով արտահայտումը. Սալոմե Զուրաբիշվիլի
Բռնությունն անընդունելի է, ես դատապարտում եմ ընթացիկ իրադարձությունները և բռնության ցանկացած ձևի դրսևորումը, մարդկանց հետապնդումը այլախոհության կամ գենդերային ինքնության պատճառով, – այս մասին ասված է Վրաստանի նախագահ Սալոմե Զուրաբիշվիլիի հայտարարության մեջ:
Զուրաբիշվիլիի խոսքով, յուրաքանչյուր ոք իրավունք ունի ազատորեն արտահայտել իր կարծիքը:
Միևնույն ժամանակ, Սալոմե Զուրաբիշվիլին կոչ է անում բոլորին գործել Սահմանադրության շրջանակներում և արմատական գործողություններով բռնություն չհարուցել:
«Բռնությունն անընդունելի է, ես դատապարտում եմ ընթացիկ իրադարձությունները և բռնության դրսևորումը ցանկացած ձևով և տեսքով, մարդկանց հետապնդումը տարբեր կարծիքների կամ գենդերային ինքնության պատճառով: Յուրաքանչյուր ոք իրավունք ունի օգտվել իր սահմանադրական իրավունքից և ազատորեն արտահայտել իր կարծիքը:
Ես բոլորին կոչ եմ անում գործել սահմանադրության շրջանակներում և արմատական գործողությունների միջոցով բռնություն չհարուցել», – ասված է հայտարարության մեջ:
Բացի այդ, Սալոմե Զուրաբիշվիլին նշում է, որ անընդունելի են լրատվամիջոցների ներկայացուցիչների նկատմամբ բռնության գործողությունները և մասնագիտական գործունեությունը խոչընդոտելը, ինչպես նաև հասարակական կազմակերպությունների գրասենյակներ ներխուժելը և նրանց վրա հարձակումը:
«Ես բոլորին կոչ եմ անում զսպվածություն ցուցաբերել, և համապատասխան մարմիններին` ապահովել հասարակական կարգի պաշտպանությունը և կանխել բռնության ցանկացած գործողություն:
Անընդունելի է ցանկացած խրախուսանք, որը խթանում է արմատական գործողությունները, բևեռացնում է հասարակությունը, առաջացնում հակասություններ, վնասում երկրին, սպառնում պետության կայունությանը»,- ասված է հայտարարության մեջ: