Բռնազավթված գիծը մեր հասարակության դժբախտությունն է, Ռուսաստանը սողացող բռնազավթմամբ արդեն Թբիլիսիից 30 կիլոմետրում է. Սալոմե Զուրաբիշվիլի
Բռնազավթված գիծը մեր հասարակության դժբախտությունն է, Ռուսաստանը սողացող բռնազավթմամբ արդեն Թբիլիսիից 30 կիլոմետրում է. Սալոմե Զուրաբիշվիլի

Բռնազավթված տարածքներում մարդու իրավունքների իրավիճակը ծանր է և գնալով վատթարանում է,- այս մասին Վրաստանի նախագահ Սալոմե Զուրաբիշվիլին հայտարարել է Ստրասբուրգում, Եվրոպայի խորհրդի խորհրդարանական վեհաժողովին ելույթ ունենալիս:

Ինչպես նա նշել է, բռնազավթված գիծը մշտապես փոխվում է: Նախագահը խոսել է նաև անցակետերի փակման խնդրի մասին, ինչը սահմանափակում է Աբխազիայի և Ցխինվալի տարածաշրջանների բնակչության տեղաշարժը:

«Ռուսաստան-Վրաստան պատերազմից անցել է 12 տարի և մեր տարածքի 20 տոկոսը դեռևս բռնազավթված է: Բռնազավթված տարածքներում մարդու իրավունքների իրավիճակը ծանր է և գնալով վատթարանում է: Բռնազավթված գիծը անընդհատ փոխվում է, և անցակետերը հաճախ փակվում են, զրկելով Աբխազիայի և Ցխինվալի տարածաշրջանների բնակչությանը տեղաշարժվելու իրավունքից: Սեպտեմբերից փակ է Ցխինվալի անցակետը, ինչը հաճախ ավարտվում է մարդկային ողբերգությամբ: Օրինակ, Մարգո Մարտիաշվիլիի մահը: Նրան թույլ չեն տվել բժշկական օգնություն ստանալու նպատակով անցնել Վրաստանի իշխանությունների կողմից վերահսկվող տարածք»,- ասել է Նախագահը:

Իր ելույթում, Սալոմե Զուրաբիշվիլին ընդգծել է բռնազավթված տարածքներում քաղաքացիների իրավունքների սահմանափակման խնդիրը և խոսել բաժանված գյուղերի մասին: Բացի այդ նա նշել է մարդկանց առևանգման փաստը, այդ թվում բռնազավթիչ ռեժիմի կողմից բժիշկ Վաժա Գափրինդաշվիլիի կալանավորումը:

Նրա խոսքով, հատկանշական է, որ տեղում սահմանափակված է իրավիճակի մոնիտորինգը, քանի որ Ռուսաստանը թույլ չի տալիս Եվրամիության դիտորդական առաքելությանը մուտք գործել բռնազավթված տարածքներ: Վրաստանի նախագահի հայտարարությամբ, դա 2008 թվականի հրադադարի մասին համաձայնագրի խախտում է:

Սալոմե Զուրաբիշվիլին խոսել է նաև Վրաստանի կառավարության խաղաղարար նախաձեռնության մասին, և նշել, որ Վրաստանի իշխանությունների խաղարարար նախաձեռնությունը ուժ չկիրառելու վերաբերյալ մնացել է անպատասխան:

Բացի այդ, նախագահն անդրադարձել է գործող բանակցային ձևաչափերին և նշել, որ դրանք հուսալի չեն:

Նախագահը կարծում է, որ այս իրավիճակից միակ ելքը դիվանագիտությունն է: Ինչպես նա նշել է, Վրաստանի կառավարության նպատակը քաղաքացիների բարեկեցությունն ու անվտանգությունն է: