Բրազիլիայում արձանագրվել է կորոնավիրուսի 37 730 նոր դեպք

09:40, 20.12.2020

Բրազիլիայում վերջին օր ու գիշերվա ընթացքում կորոնավիրուս է հաստատվել 37 730 մարդու մոտ: Վերջին 24 ժամվա ընթացքում Բրազիլիայում «կովիդ 19»-ից մահացել է 555 մարդ: Տվյալները հրապարակում է «Ռոյթերը»՝ հիմնվելով երկրի առողջապահության նախարարության տվյալներին:

Ընդհանուր առմամբ Բրազիլիայում գրանցվել է «կովիդ 19»-ի ավելի քան յոթ միլիոն 200 հազար դեպք: Նշված ցուցանիշով երկիրն աշխարհում երրորդ տեղում է՝ ԱՄՆ-ից և Հնդկաստանից հետո:

Բացի այդ, վարակի տարածումից առ այսօր, Բրազիլիայում վարակից մահացել է 186 205 պացիենտ:

Կորոնավիրուսից մահացածների ցուցանիշով, Բրազիլիան ԱՄՆ-ից հետո աշխարհում զբաղեցնում է երկրորդ տեղը:

Հեղինակ - edgar barsegyan

COVID-19

Միջազգային

Բրազիլիա

Կորոնավիրուս