Բոլոր կինոթատրոններում, որտեղ պետք է կայանա «Եվ մենք պարեցինք» ֆիլմի պրեմիերան, մոբիլիզացված է ոստիկանություն (վիդեո)

Բոլոր կինոթատրոններում, որտեղ պետք է կայանա «Եվ մենք պարեցինք» ֆիլմի պրեմիերան, մոբիլիզացված է ոստիկանություն: Ինչպես տեղեկացնում է Առաջին ալիքի լրագրողը, «Գալերիա Թբիլիսիի» շենքում մոնտաժել են «դետեկտորներ», որտեղ կստուգեն կինոթատրոն մուտք գործող անձանց:

Վրացական ծագում ունեցող շվեդ ռեժիսոր Լևան Ակինի «Եվ մենք պարեցինք» (And Then We Danced) ֆիլմի պրեմիերան Վրաստանում կայանալու է այսօր, նոյեմբերի 8-ին: Սյուժեն երիտասարդ պարողի մասին, ում կյանքը ծայրահեղ փոխվում է այն բանից հետո, երբ սիրահարվում է իր հակառակորդ տղային:

«Երեխաների իրավունքների պաշտպանության հասարակության» նախագահ Գուրամ Փալավանդիշվիլին հայտարարել է, որ «Եվ մենք պարեցինք» ֆիլմի պրեմիերային հեռուստադիտողին չեն թողնի մուտք գործել Թբիլիսիի և Բաթումիի կինոթատրոններ: Նախկին պատգամավոր Դիմիտրի Լորթքիփանիձեն չի բացառում, որ կինոթատրոններում անջատվի էլեկտրաէներգիան:

Տեսաուղերձ է տարածել գործարար Լևան Վասաձեն և նշել, որ այս ֆիլմի նկարահանմամբ ողջ աշխարհում խայտառակել են վրացական մշակույթը:

«Եվ մենք պարեցինք» ցուցադրության հետ կապված հայտարարություն է տարածել նաև Վրաստանի պատրիարքարանը: Վրաստանի պատրիարքարանը ֆիլմի ցուցադրությունը համարում է անընդունելի, սակայն դեմ է բռնությանը:

ՆԳՆ-ում հայտարարում են, որի ֆիլմի ցուցադրության ժամանակ ներքին գործերի նախարարությունը կապահովի հասարակական անվտանգությունը և յուրաքանչյուր մարդու արտահայտման իրավունքը, որը չի հատում օրենքով թույլատրելի սահմանը:

Թողնել մեկնաբանություն