Բիձինա Իվանիշվիլի – Գիորգի Կվիրիկաշվիլին այլևս չէր կարող կառավարել
Բիձինա Իվանիշվիլի – Գիորգի Կվիրիկաշվիլին այլևս չէր կարող կառավարել

 

Այսօր, Առաջին ալիքի «Հրատապ թեմա՝ Մակա Ցինցաձեի հետ» հաղորդման հյուրն է լինելու «Վրացական երազանք» կուսակցության նախագահ Բիձինա Իվանիշվիլին:

Վրաստանի նախկին վարչապետը Առաջին ալիքի հետ զրույցում խոսել է այն հրատապ հարցերի շուրջ, որոնք կապված են իր քաղաքականություն վերադառնալու և «Վրացական երազանքի» ծրագրերի հետ:

Քաղաքականություն վերադառնալու առնչությամբ, Բիձինա Իվանիշվիլին հայտարարում է, որ եղել է թիմի մասնատման վտանգ և գործընթացն արդեն մեկնարկել էր:

Բիձինա Իվանիշվիլին խոսել է նաև նախկին վարչապետ Գիորգի Կվիրիկաշվիլու մասին:

«Շատ վատ էի ինձ զգում, երբ տեսա, որ հանրության որոշ մասի աղքատության սահմանը «Վրացական երազանք»-ի քաղաքականություն գալուց հետո վատթարացել է: Երկու բանկեր խժռեցին ողջ երկիրը, խախտվում էր հավասարակշռությունը պետության շահերի և բիզնեսի շահերի միջև և այն խախտում էր Կվիրիկաշվիլին՝ իր գործողություններով»,- հայտարարել է Բիձինա Իվանիշվիլին:

Հարցին, ինչու է Կվիրիկշվիլին հրաժարական տվել, Իվանիշվիլին նշել է, որ նա այլևս չէր կարող կառավարել:

«Նա այլևս չէր կարող կառավարել: Երկու հոգու հետ էր կարողանում համաձայնեցնել որոշումները, նա չուներ այլ ընտրություն, նա պետք է հեռանար և հեռացավ»,- հայտարարել է Իվանիշվիլին:

Ինչ վերաբերում է վարչապետ Մամուկա Բախտաձեին, «Վրացական երազանքի» առաջնորդի խոսքով, նա կոչված է օգնել բոլոր նախարարություններին:

Դրա հետ մեկտեղ, առաջիկա նախագահական ընտրությունների հետ կապված Բիձինա Իվանիշվիլին հայտարարել է, որ կուսակցությունն ունի բազմաթիվ արժանի թեկնածուներ:

Ծավալուն հարցազրույցի բոլոր մանրամասները կարող եք կարդալ մեր կայքէջում: