Բեյրութում բախում է տեղի ունեցել ոստիկանության և ցուցարարների միջև: Իրավապահները կիրառել են արցունքաբեր գազ, իսկ ցուցարարները ոստիկանների ուղղությամբ նետել են քարեր:
Բախումը տեղի է ունեցել Ազգային բանկի շենքի մոտ: Ձերբակալվել է մի քանի ցուցարար:
Երիտասարդների մի մասը փորձել է վրան բացել Բեյրութի մերձակայքում՝ ավտոմայրուղու վրա: Ոստիկանությունը դիմակայել է նրանց:
Լիբանանում արդեն երեք ամիս է չեն դադարում բողոքի ցույցերը: Քաղաքացիներն իշխանությունից պահանջում են հաղթահարել տնտեսական ճգնաժամը: