Բաթումիում, Գամսախուրդիայի փողոցում կենտրոնացված են իրավապահներ: Ոստիկանությունը դատարանի որոշման հիման վրա քննչական գործողություններ է իրականացնում 12 օբյեկտում, որտեղ գործում են այսպես կոչված մերսման սրահներ:

Աջարիայի ոստիկանության դեպարտամենտից հայտնում են, որ հետաքննչական գործողություններն իրականացվում են Վրաստանի ՔՕ  254-րդ հոդվածով սկսված հետաքննության շրջանակներում, ինչը նշանակում է մարմնավաճառությանը աջակցություն:

«Դատավորի որոշման հիման վրա հետաքննություն է ընթանում 12 օբյեկտում: Աջարիայի ոստիկանության դեպարտամենտի կողմից հետաքննություն է իրականացվում Վրաստանի ՔՕ 254-րդ հոդվածի համաձայն»,- Վրաստանի առաջին ալիքի հետ զրույցում ասել է Աջարիայի ոստիկանության պետի տեղակալ, Իրակլի Ճեդիշվիլին:

Օբյեկտների աշխատակիցները հարցաքննության համար տեղափոխվել են ոստիկանության բաժանմունք: