Բաթումիի մայրուղու վրա ավտովթարի հետևանքով տուժել է 9 մարդ (ֆոտո)
Բաթումիի մայրուղու վրա ավտովթարի հետևանքով տուժել է 9 մարդ (ֆոտո)

Բաթումիում, Օդանավակայանի մայրուղու վրա առավոտյան տեղի ունեցած ավտովթարի հետևանքով տուժել է 9 մարդ: Տուժածների թվում է օտար երկրի երկու քաղաքացի:

Միմյանց են բախվել մունիցիպալ ավտոբուսը և բեռնատար մեքենան:

Շտապ օգնության ծառայությունը տուժածներին դեպքի վայրից տեղափոխել է հիվանդանոցներ:

Բժիշկների տեղեկությամբ, նրանցից մեկի վիճակը համեմատաբար ծանր է: Նա ունի գլխի վնասվածք:

Տուժածներին տեսակցել է Աջարիայի առողջապահության նախարար Զաալ Միքելաձեն:

Աջարիայի առողջապահության նախարարության տեղեկությամբ, տուժածներից մեկին արդեն դուրս են գրել հիվանդանոցից: Մնացած հիվանդների առողջական վիճակը կայուն է:

Ներքին գործերի նախարարության տեղեկությամբ, ավտոճանապարհային պատահարի փաստով հետաքննությունն է ընթանում ՔՕ-ի 276-րդ հոդվածով, որը նկատի ունի տրանսպորտի երթևեկության անվտանգության կա շահագործման կանոնի խախտում: