«Բասիանի» և «Գալերի» ակումբներում վաճառվում էր թմրանյութ, ուստի խուզարկումն օրինական էր. Նաթիա Մեզվրիշվիլի
17:57, 15.05.2018
Ոստիկանությունը ուներ իրավասություն՝ ակումբներում խուզարկում անցկացնելու, այդ ակումբներում վաճառվում էր թմրանյութ,- այս մասին հայտարարել է ներքին գործերի նախարարի տեղակալ Նաթիա Մեզվրիշվիլին, ով մեկնաբանել է, թե ինչու է ակումբներում անցկացվել հատուկ գործողություն:
Նրա խոսքով, նշվա հաստատություններում թմրանյութերի իրացման բազմաթիվ փաստերը հաստատված են ապացույցներով:
«Այդ թվում թմրանյութ էր վաճառվում «Բասիանի» և «Գալերի» ակումբներում, որտեղ անցկացվել են քննչական գործողություններ: Առգրավվել է թմրանյութ, ակումբի անվտանգության աշխատակցից, որը ձերբակալվել է, առգրավվել է 50 հաբ թմրանյութ»,- հայտարարել է ՆԳ նախարարի տեղակալը:
Ինչպես նշել է Նաթիա Մեզվրիշվիլին, հետաքննությունը շարունակվում է և դրա արդյունքների մասին հանրությունը կտեղեկացվի:
