Բացահայտվել է մեծ քանակությամբ դեղամիջոցներ գաղտնի կերպով Վրաստան ներկրելու դեպք
Բացահայտվել է մեծ քանակությամբ դեղամիջոցներ գաղտնի կերպով Վրաստան ներկրելու դեպք

Վրաստանի ֆինանսների նախարարության քննչական ծառայության աշխատակիցների և եկամուտների ծառայության մաքսային դեպարտամենտի ներկայացուցիչների համակարգված միջոցառման արդյունքում, Վրաստանի մաքսային սահմանին բացահայտվել է մեծ քանակությամբ ապրանքի տեղափոխելու կարգը խախտելու երկու դեպք, որի առնչությամբ մեղադրանք է ներկայացվել երկու անձի:

«Հետաքննությամբ պարզվել է, որ մեղադրյալներն ավտոտրանսպորտային միջոցներով, «Սարփի» մաքսային անցակետն անցնելով, մաքսային աշխատակիցներից գաղտնի Վրաստանի տարածք են ներկրել մեծ քանակությամբ դեղամիջոցներ, որոնց ընդհանուր արժեքը գերազանցում էր 37 000 լարին»,- հայտարարում են քննչական ծառայությունում:

Գերատեսչության տեղեկությամբ, հանցանքը ենթադրում է 3-5 տարվա ազատազրկում, ըստ Վրաստանի ՔՕ-ի 214-րդ հոդվածի: