Վրաստանի նախագահ Սալոմե Զուրաբիշվիլին քվեարկել է Թբիլիսիի Կոտե Աբխազի փողոցում գտնվող N 67 հանրակրթական դպրոցի շենքում բացված ընտրատեղամասում:

Զուրաբիշվիլիի խոսքով, այսօր մենք բոլորս քվեարկում ենք, մեր երազած երկիրը կառուցելու համար:

«Ես ուզում եմ շնորհավորել բոլորին այսօրվա առթիվ: Սա կարևոր օր է երկրի համար: Ես քվեարկել եմ այնպես, ինչպես քվեարկում են բոլոր քաղաքացիները, այսինքն ՝ ազատ, հանգիստ: Շատ շնորհակալ եմ դրա համար, այնքան կարևոր է, որ ես կարող եմ ձեզ հետ այսքան հանգիստ խոսել, և այդպես էլ պետք է լինի, կարծում եմ մենք սովորել ենք դրան: Սա կլինի մեր պայծառ ապագան: Մենք բոլորս այսօր քվեարկում ենք մեր բոլորի երազած երկիրը կառուցելու համար: Սա ժողովրդավարական երկիր է, սա եվրոպական երկիր է և այսօր ևս մեկ քայլ է այդ ուղղությամբ: Շատ կարևոր է, որ այսօր քաղաքացիները քվեարկում են շատ բարդ պայմաններում, որը կոչվում է համավարակ, և ես ուզում եմ բոլորին կոչ անել շատ հանգիստ գալ այստեղ: Ձեռնարկվում են բոլոր միջոցները, որպեսզի բոլորը կարողանան գալ ընտրատեղամաս և քվեարկել, ոչնչից չվախենաք:

Դուք ինքներդ կպահեք հեռավարությունը, որտեղ հերթեր կլինեն, ես համոզված եմ, որ ամեն ինչ լավ կլինի»,- հայտարարել է Սալոմե Զուրաբիշվիլին լրագրողների հետ զրույցում: