«Վրացական երազանքի» գործադիր քարտուղար Իրակլի Կոբախիձեի հայտարարությամբ, ԿԸՀ-ի շենքի վրա գրոհը ղեկավարում է Նիկանոր Մելիան:

Նրա խոսքով, իրենց զգուշացնում են, որ նրանցից յուրաքանչյուրը կպատժվի օրենքի ողջ խստությամբ:

«Ես ուզում եմ հայտարարություն անել ԿԸՀ-ի վրա շարունակվող հարձակման վերաբերյալ, որը ղեկավարում է հանցագործ Նիկանոր Մելիան: Հիշեցնենք, որ հենց Նիկանոր Մելիան էր ազդանշան տվել «Ազգային շարժման» զոնդերային խմբերին անցյալ տարվա հունիսի 20-ին, երբ նրանք գրոհեցին խորհրդարանի շենքը: Այս դեպքի առթիվ հարուցվել է քրեական գործ, որը, վստահ ենք, անպայման կավարտվի:

Այս անգամ նույնպես հարձակման ղեկավարները Նիկանոր Մելիան և նրա զոնդեր խմբավորումներն են: Մենք զգուշացնում ենք նրանց, որ նրանցից յուրաքանչյուրը պատասխան կտա օրենքի ողջ խստությամբ: Մենք հայտարարում ենք, որ բևեռացումը և ագրեսիան պայմանավորված են ոչ թե հանցագործների ներկայությամբ բանտում, այլ նրանց քաղաքականության մեջ: Վրաստանում շուտով կգա ժամանակը, երբ քաղաքական գործիչները կլինեն քաղաքականության մեջ, իսկ հանցագործները ՝ բանտում: Մենք կոչ ենք անում հանրահավաքի յուրաքանչյուր մասնակցի զերծ մնալ անօրինական գործողություններից: Մենք ՆԳ նախարարությանը կոչ ենք անում կիրառել համաչափ ուժ», – հայտարարել է Իրակլի Կոբախիձեն: