Այնքան երկար տևեց իմ լռությունը, որ կարծես վերջին պահին, բոլորը մոռացան իմ մասին, որ ես էլ էի տուժած,- այս մասին հայտարարել է Խորավայի փողոցում սպանված Լևան Դադունաշվիլու մայրը, Նաթիա Սաղվարելիձեն՝ Խորավայի փողոցում սպանության գործի ժամանակավոր քննչական հանձնաժողովի նիստին:

Նրա խոսքով, սկզբում, հետաքննության հետ համագործակցելու ցանկություն չի ունեցել, սակայն քիչ անց, երբ դատախազությունից կապ են հաստատել իր հետ, որ գործում որևէ մեկը պետք է պարտադիր ներկայանար տուժածի կարգավիճակում, համաձայնել է համագործակցել:

Ինչպես նշել է Նաթիա Սաղվարելիձեն, նա փաստաբանի հետ միասին ծանոթացել է գործի մանրամասներին, այդ թվում վկաների ցուցմունքներին:

Սաղվարելիձեի խոսքով, իր որդին, Լևան Դադունաշվիլին Խորավայի փողոցում տեղի ունեցած կոնֆլիկտի հետ առնչություն չի ունեցել և սպանության վայրում է հայտնվել պատահական կերպով:

«Իմ որդին, Լևան Դադունաշվիլին, տեղի ունեցած կոնֆլիկտում եղել զոհ, այս բառի ողջ իմաստով: Երեխա, ով որևէ կապ չի ունեցել տեղի ունեցածի հետ ոչ դպրոցում, ոչ դպրոցից հետո տեղի ունեցած կոնֆլիկտում, նա ընդհանրապես պատկերացում չի ունեցել, թե ինչ է կատարվում»,- հայտարարել է Նաթիա Սաղվարելիձեն: