Ախալքալաքում մարդասպանության գործով ձերբակալվածին այսօր մեղադրանք են առաջադրել Թբիլիսիի գլխավոր վարչությունում
Ախալքալաքում մարդասպանության գործով ձերբակալվածին այսօր մեղադրանք են առաջադրել Թբիլիսիի գլխավոր վարչությունում

Ախալքալաքում հրազենով տղամարդու սպանելու գործով ձերբակալվածին այսօր մեղադրանք են առաջադրել Թբիլիսիի գլխավոր վարչությունում:

Ձերբակալվածի փաստաբան Տարիել Բիլանիշվիլու փոխանցմամբ, ձերբակալվածն օգտվում է լռության իրավունքից:

Ձերբակալվածին խափանման միջոց սահմանելու հարցը Ախալցխայի շրջանային դատարանը կքննարկի, հավանաբար, վաղը:

Ախալքալաքում օգոստոսի 8-ին տեղի էր ունեցել սպանություն: Հրազենով սպանել էին 30-ամյա տղամարդու: Տեղի ունեցած փաստով սկսվել է հետաքննություն: Տեղի բնակիչների խոսքով, Ախալքալաքում տեղի ունեցած սպանությունը կապված է մի քանի տարի տևող կոնֆլիկտի հետ: Սպանությունից հետո, օգոստոսի 8-ի երեկոյան Ախալքալաքում լարվել էր իրավիճակը, որի պատճառով անհրաժեշտ էր դարձել մոբիլիզացնել իրավապահների: Մահացածի համագյուղացիներն Ախալքալաքում վնասել են հավանական մարդասպանի մտերիմների անշարժ գույքը:

Թողնել մեկնաբանություն