Ավստրիայում առաջարկել են արգելել Հիջաբը մանկապարտեզներում և տարրական դպրոցներում
15:38, 05.04.2018
Ավստրիայում կարող է արգելեն մանկապարտեզներում և տարրական դպրոցներում հիջաբ կրելը։ Համապատասխան առաջարկով հանդես է եկել երկրի փոխկանցլեր, պետական ծառայության և սպորտի հարցերով նախարար Հայնց–Քրիստիան Ստրախեն։
Փոխկանցլերի կարծիքով՝ տվյալ քայլը թույլ կտա աղջիկներին տաս տարեկանում արդեն զգալ պետության պաշտպանությունը, ազատ զարգանալ և ինտեգրվել ավստրիական հասարակության մեջ։
«Երեխաների միջև բաժանումը և ինտեգրման բացակայությունը քաղաքական իսլամի շահերից է բխում, որն արդեն այսօր վտանգավոր զուգահեռ հասարակություններ է ստեղծել տարբեր կազմակերպություններում ու միություններում»,– ասել է ավստրիացի նախարարը։ Վերջում նա նշել է, որ կանխարգելող այս միջոցները պետք է կիրառել վաղ մանկության տարիքից, այլապես հետո շատ ուշ կլինի։
