Աշխատում ենք Եվրամիության հետ միասին, որ լինենք վերջնական ցուցակում, քանզի բոլոր չափորոշիչներով անվտանգ երկիր ենք. Նաթիա Թուրնավա
Աշխատում ենք Եվրամիության հետ միասին, որ լինենք վերջնական ցուցակում, քանզի բոլոր չափորոշիչներով անվտանգ երկիր ենք. Նաթիա Թուրնավա

Էկոնոմիկայի և կայուն զարգացման նախարար Նաթիա Թուրնավայի հայտարարությամբ, Վրաստանը լիովին բավարարում է անվտանգության չափանիշները, որպեսզի հայտնվի Եվրամիության անվտանգ երկրների շարքում:

Ինչպես նշել է նախարարը, այս ցուցակի ամենակարևոր գործոնն է, որ երկիրը համավարակաբանական տեսանկյունից լինի անվտանգ:

«Մենք աշխատում ենք Եվրամիության հետ միասին, որպեսզի լինենք վերջնական ցուցակի մեջ, որը պաշտոնապես կհաստատվի և կհամաձայնեցվի բոլոր անդամների կողմից: Բոլոր չափանիշներով անվտանգ երկիր ենք: Սա առաջին և վճռական գործոնն է, որով հնարավոր է հայտնվել ցուցակում: Հետևաբար, մենք շատ դրական ակնկալիքներ ունենք, որ այդ ցուցակը կհրապարակվի մոտ օրերս: Մենք կշարունակենք աշխատել Եվրամիության հետ այն ընթացակարգերի շուրջ, որոնք, հավանաբար անհրաժեշտ կլինեն ցուցակի հետ միասին, սակայն գլխավորն այն է, որ մենք պետք է լինենք այս ցուցակում», – ասել է Նաթիա Թուրտավան:

Թողնել մեկնաբանություն