Ես իսկապես պատմական օրը ստիպված էի կանգնել ամբիոնի առջև, – այս մասին խորհրդարանի լիագումար նիստում հայտարարել է «Մոքալաքեեբի» կուսակցության պատգամավոր, Լևան Իոսելիանին:

Իոսելիանին մեկնաբանել է «Ազգային շարժման» մուտքը խորհրդարան:

«Ես չէի սպասում, որ իմ հարցի քննարկման ժամանակ, երբ ես առաջին ընթերցմամբ կներկայացնեմ օրինագիծը, խորհրդարանում կտեսնեմ «Ազգային շարժմանը» և առաջին հերթին, կցանկանայի շնորհավորել ձեզ` խորհրդարան մուտք գործելու կապակցությամբ: Ես հիմա չեմ պատրաստվում օգտագործել այս ամբիոնը, պատասխանելու բոլոր մեղադրանքներին, այն ամբողջ ցեխին, որը դուք, ձեր կուսակցությունը, նետել եք իմ և Ալեկոյի հասցեին: Մենք անպայման կկարողանանք դա անել, մենք հաստատ կպատասխանենք ամեն ինչին:

Մի բան կասեմ, որ արդարությունն իրոք սայլով է շարժվում և այսօր այն օրն է, երբ արդարադատությունը հաց է կերել, դուք նստած եք այստեղ, իսկ ես կանգած եմ ամբիոնի մոտ: Ես խոսում եմ ձեզ հետ և կարող եմ շատ բաներ ասել, բայց նախընտրում եմ խոսել այն հարցի շուրջ, որն ավելի շատ անհանգստացնում է մեր քաղաքացիներին և իսկապես մեր քաղաքացիներին անհանգստացնում է մեր երկրում տեղի ունեցող անախորժությունները: Դա ազգային մասշտաբի ողբերգության պատմություն է, երբ տարեկան մոտ 450 մարդ է զոհվում մեր ճանապարհներին», – հայտարարել է Լևան Իոսելիանին: