Առանց մարդու իրավունքների պաշտպանության, նախարարությունում բարեփոխումներ անցկացնելը գին չունի. Գախարիա
Առանց մարդու իրավունքների պաշտպանության, նախարարությունում բարեփոխումներ անցկացնելը գին չունի. Գախարիա

ՆԳ նախարար Գիորգի Գախարիայի հայտարարությամբ, առանց մարդու իրավունքների պաշտպանության, նախարարությունում բարեփոխումներ անցկացնելը գին չունի:

Գախարիան այս հայտարարությունը արել է Ռեդիսոն հյուրանոցում, նորաստեղծ մարդու իրավունքների պաշտպանության դեպարտամենտի շնորհանդեսի ժամանակ:

Նախարարի խոսքերով դեպարտամենտը արդեն փնտրում է նոր աշխատողների:

«Այսօր շատ կարևոր օր է, քանզի մեկ ամիս առաջ կառավարության հաստատման ժամանակ խորհրդարանում տվել ենք խոստում, որ ՆԳՆ-մ սկսելու ենք սկզբունքային բարեփոխումներ: Այսօր կատարում ենք խոստումը և հիմնել ենք մարդու իրավունքների պաշտպանության դեպարտամենտ:

Մենք նույնպես շարունակելու ենք մեր տված խոստումների կատարումը և ապագայում կներկայացնենք բազմաթիվ փոփոխություններ: Կառուցվածքային փոփոխությունների մասով բարեփոխումները հիմնականում վերաբերելու են քրեական ոստիկանությանը, ինչպես նաև սահմանային և պարեկային ոստիկանություններին»,-ասել է Գիորգի Գախարիան:

ՆԳ նախարարությունում մարդու իրավունքների պաշտպանության դեպարտամենտը, կառավարության որոշմամբ հիմնվել է մի քանի օր առաջ:

Համապատասխան փոփոխությունը «Վրաստանի ներքին գործերի նախարարության կանոնակարգի հաստատման մասին» Վրաստանի կառավարության 2013 թ. դեկտեմբերի 13-ի 337-րդ կանոնակարգի մեջ արդեն մտցվել է:

Մարդու իրավունքների պաշտպանության դեպարտամենտի  հիմնական խնդիրներն են՝ իրավասության շրջանակներում ընտանեկան հանցանքի, կանանց նկատմամբ բռնության, խտրականության, տրեֆիկինգի, անչափահասների կողմից իրականացրած հանցանքի նկատմամբ ժամանակին արձագանքում և հետաքննության արդյունավետության ապահովում, ինչպես նաև մարդու իրավունքների պաշտպանության թեմայով զբաղվող պետական մարմինների և ոչկառավարական կազմակերպությունների հետ համագործակցություն:

Ներքին գործերի նախարարության մարդու իրավունքների պաշտպանության դեպարտամենտում աշխատատեղերի համար արդեն հայտարարվել է մրցույթ: