Վրաստանի կրթական համակարգում առաջին անգամ հայտնվեցին սոցիալական աշխատողներ, որոնք կօգնեն աշակերտներին հաղթահարել տարբեր սոցիալական խոչընդոտները՝ ապահովելով դպրոցներում առողջ, դրական կրթական միջավայր և աջակցելով ծնողների ներգրավմանը դպրոցական կյանքին, – հայտնում է ԿԳ նախարարությունը:

Ըստ նրանց, մրցույթի առաջին փուլում մանդատուրի ծառայության կողմից ընտրված 28 որակավորված աշխատողներ կբաշխվեն Վրաստանի հոգեբանական-սոցիալական ծառայության կենտրոններում, մասնավորապես Թբիլիսիում, Կախեթիում, Քվեմո Քարթլիում, Աջարիա-Գուրիայում, Իմերեթիում և Ռաճա-Լեչխումի գրասենյակնեում՝ ապրիլից:

Ըստ նախարարության, լրացուցիչ 22 դիմորդ կընտրվի մրցույթի արդյունքում, և, Վրաստանի բոլոր շրջանների կենտրոնները կունենան սոցիալական աշխատող, որը համապատասխան սոցիալական ծառայություններ կմատուցի աշակերտներին և նրանց ծնողներին:

Վրաստանի կրթության և գիտության նախարարի առաջին տեղակալ Էկատերինե Դգեբուաձեն, մանդատուրի ծառայության պետի տեղակալ Նինո Շատբերաշվիլիի հետ, հանդիպում են անցկացրել կրթական համակարգում աշխատող սոցիալական աշխատողների հետ և նրանց հետ խոսել սոցիալական խնամքի բաղադրիչի ամրապնդման կարևորության մասին:

Ինչպես նշել է Էկատերինե Դգեբուաձեն, սոցիալական աշխատողների ինտեգրումը հանրակրթական համակարգում կնվազեցնի և կվերացնի կրթական գործընթացում երեխաների արդյունավետ ներգրավումը խոչընդոտող գործոնները:

Բացի այդ, նրանք ակտիվորեն ներգրավված կլինեն դեռահասների ծնողների, խնամակալների կամ օրինական ներկայացուցիչների հետ հաղորդակցման գործընթացին: Մասնավորապես, սոցիալական աշխատողները իրազեկվածության բարձրացման նպատակով կրթական հանդիպումներ կանցկացնեն դպրոցներում և ընտանիքներում՝ երեխաների, նրանց ծնողների, օրինական ներկայացուցիչների, ուսուցիչների և դպրոցների ղեկավար անձնակազմի հետ: