Վրաստանի խորհրդարանի իրավաբանական հարցերի կոմիտեի նախագահ Անրի Օխանաշվիլիի խոսքով, կոմիտեն արդեն ակտիվ աշխատանքներ է սկսել «Համաներման մասին» օրինագծի շուրջ:

Ըստ Օխանաշվիլիի, իշխող թիմի խնդիրն է առանց հապաղելու անցկացնել այս գործընթացը:

«Հանրությանը տեղեկացնելու համար ցանկանում եմ ասել, որ ապրիլի 19-ին՝ ԵՄ կուսակցությունների կողմից «Ապագա ճանապարհ Վրաստանի համար» փաստաթղթով քաղաքական կուսակցությունների ստանձնած պարտավորության պատճառով, իրավաբանական հարցերի կոմիտեն արդեն սկսել է ակտիվ աշխատանքներ համաներման նախագծի շուրջ, որը վերաբերում է «2019 թվականի հունիսի 19-20-ի ցույցերի հետ կապված բոլոր խախտումներին և ձերբակալություններին»: Իշխող թիմի խնդիրն է այս գործընթացն առանց հապաղելու վարել և օրինագիծը նախաձեռնել լիագումար նիստերի շաբաթվա ընթացքում՝ ապրիլի 26-30-ը: Նախատեսվում են խորհրդակցություններ՝ համաձայնագիրը ստորագրած ընդդիմադիր կուսակցությունների հետ», – ասաց Օխանաշվիլին: