Անգելա Մերկելը Վլադիմիր Պուտինի հետ հանդիպումից «առանձնապես արդյունքներ» չի ակնկալում
Գերմանիայի կանցլեր Անգելա Մերկելը Ռուսաստանի նախագահ Վլադիմիր Պուտինի հետ հանդիպումից «առանձնապես արդյունքներ» չի ակնկալում:
Գերմանիայի կանցլերի հայտարարությամբ, Ռուսաստանի նախագահի հետ հանդիպումը կարճ ժամկետում կոնկրետ արդյունք չի ունենա, սակայն համաշխարհային ճգնաժամները կարգավորելու ճանապարհներ որոնելու գործում Ռուսաստանի հետ երկխոսությունը կարևոր է:
«Սա աշխատանքային հանդիպում է: Կան բազմաթիվ խնդիրներ, որոնք մեզ հուզում են, սկսած Ուկրաինայից, մինչև Սիրիա և տնտեսական համագործակցություն: Խնդիրները պահանջում են, որպեսզի ունենանք մշտական երկխոսություն»,- նշել է Անգելա Մերկելը:
Գերմանիայի կանցլերի և Ռուսաստանի նախագահի միջև հանդիպումը կայանալու է Գերմանիայում, օգոստոսի 18-ին: