Անակլիայի նավահանգստի նախագծի հանդեպ լուրջ ներդրողը հարցեր չպետք է ունենա. Նաթիա Թուրնավա
Անակլիայի նավահանգստի նախագծի հանդեպ լուրջ ներդրողը հարցեր չպետք է ունենա. Նաթիա Թուրնավա

Էկոնոմիկայի և կայուն զարգացման նախարար Նաթիա Թուրնավան գտնում է, որ լուրջ ներդրողը չպետք է հարցեր ունենա, Վրաստանի կառավարության կողմից Անակլիայի նավահանգստի նախագծին աջակցելու վերաբերյալ:

Ինչպես Թուրնավան ասել է լրագրողներին այսօրվա կառավարության նիստից հետո, Անակլիա նավահանգիստը միակ նախագիծն է, որը  ընդգրկված է երկրի սահմանադրության մեջ:

«Դա ինքնին բարձրագույն ապացույց է, որ սա մեզ համար առաջնային նախագիծ է: Նման նախագծեր ամենուր իրականացվում են կառավարության աջակցությամբ, և կառավարության աջակցությունը միանշանակ արտահայտվում է նախագծի հանդեպ: Հետևաբար, հաշվի առնելով այն բարձր վարկանիշները, որոնք ամեն օր բարելավվում են, ես նկատի ունեմ ներդրումային միջավայրը, հաշվի առնելով, թե որքանով է կառավարությունն իր աջակցությունը ցուցաբերում այս նախագծին, լուրջ ներդրողի մոտ չպետք է հարցեր առաջանան նախագծի վերաբերյալ»,- ասել է Թուրնավան:

Ըստ նրա, դա ոչ միայն կառավարության բանավոր, այլև իրավական և ֆինանսական աջակցություն է:

Նաթիա Թուրնավայի գնահատմամբ, նման աջակցությունը դրական է արտացոլվում բոլոր ներդրողների վրա:

«Ես հավատում եմ, որ նման աջակցությունն աննախադեպ է և դա դրականորեն կանդրադառնա բոլոր լուրջ ներդրողների վրա»,- ասել է  էկոնոմիկայի և կայուն զարգացման նախարարը:

Թողնել մեկնաբանություն