Ամիրան Գամղրելիձե. Եթե վարակի տարածման ինտենսիվությունը մեծանա, մենք ստիպված կլինենք բարձրացնել երկրում ավելի ուժեղ սահմանափակող միջոցառումների հարցը
Հիվանդությունների վերահսկման ազգային կենտրոնի ղեկավար Ամիրան Գամղրելիձեն մեկ անգամ ևս կոչ է անում բնակչությանը հետևել հանձնարարականներին և նշում, որ երկիրը գտնվում է վարակի ինտենսիվ ներքին տարածման և երրորդ ալիքի նախնական փուլում:
Ըստ Գամղրելիձեի, եթե քաղաքացիները չպահպանեն կանոնները, ապա ստիպված կլինեն բարձրացնել երկրում ավելի ուժեղ սահմանափակող միջոցներ ներդնելու հարցը:
«Լրացուցիչ, ուժեղ սահմանափակող միջոցներ չներդնելու համար, առաջին հերթին, մենք բոլորս պետք է հետևենք այն հանձնարարականներին և սահմանափակումներին, որոնք գործում են այսօր: Եթե դա անենք, ապա, ամենայն հավանականությամբ, մենք կզսպենք վարակի հետագա տարածումը և կարիք չենք ունենա արմատական սահմանափակող միջոցներ կիրառել: Հակառակ դեպքում, եթե վարակը տարածվի, և վարակի տարածման ինտենսիվությունն աճի, մենք ստիպված կլինենք բարձրացնել երկրում ավելի ուժեղ սահմանափակող միջոցներ կիրառելու հարցը, քանի որ մենք գտնվում ենք ներքին տարածման և երրորդ ալիքի փուլում» – ասաց Ամիրան Գամղրելիձեն: