Ալեքսեյ Նավալնիի համախոհները կոչ են անում Եվրամիությանը Վլադիմիր Պուտինի շրջապատում գտնվող անձանց ներառել պատժամիջոցների ցուցակում
Ալեքսեյ Նավալնիի համախոհները կոչ են անում Եվրամիությանը Վլադիմիր Պուտինի շրջապատում գտնվող անձանց ներառել պատժամիջոցների ցուցակում

Ալեքսեյ Նավալնիի հիմնադրած, «Կոռուպցիայի դեմ պայքարի հիմնադրամը» նամակ է ուղարկել՝ Եվրահանձնաժողովի նախագահ Ուրսուլա Ֆոն Դեր Լայենին և Եվրամիության արտաքին գործերի և անվտանգության քաղաքականության հարցերով գերագույն ներկայացուցիչ, Ժոզեֆ Բորելին:

Հիմնադրամը կոչ է անում Եվրամիությանը Վլադիմիր Պուտինի շրջապատում գտնվող անձանց ներառել պատժամիջոցների ցուցակում: Ռուս ընդդիմադիր գործչի կողմնակիցները շարունակում են արևմտյան երկրների ուշադրությունը հրավիրել, Ալեքսեյ Նավալնիի գործի վրա: Համապատասխան տեղեկատվությունը տարածում է «Դոյչե Վելեն», հիմնվելով Հակակոռուպցիոն հիմնադրամի տնօրենի հայտարարության վրա:

Հիմնադրամը, ինչպես ԱՄՆ-ի նախագահ Ջո Բայդենին ուղղված նամակում, Եվրահանձնաժողովի նախագահին կոչ է անում «պատժամիջոցներ կիրառել Ռուսաստանի նախագահ Վլադիմիր Պուտինի շրջապատում գտնվող կոռումպացված Ռուսաստանի քաղաքացիների դեմ»: Նամակում նշվում է 35 անձի անուն, որոնց մեծ մասը բարձրաստիճան պաշտոնյաներ են:

Ըստ Հակակոռուպցիոն հիմնադրամի տնօրեն Վլադիմիր Աշուրկովի, պատժամիջոցների իմաստը «հանցագործության մեջ ներգրավվածներին պատժելը կամ նրանց իրավունքները ինչ-որ կերպ սահմանափակելն է»:

Թողնել մեկնաբանություն