Աջարիայի կառավարության տան մոտ դիմակայությանը ձերբակալվել է մեկ մարդ, մեկի հանդեպ սկսվել է քննություն
Բաթումիում Աջարիայի կառավարության շենքի դիմաց ցուցարարների և իրավապահների միջև առճակատման արդյունքում ձերբակալվել է մեկ անձ, իսկ մեկի հանդեպ ընթանում է քննություն,- այս մասին հայտարարել է Աջարիայի ոստիկանության վարչության պետ Կոնստանտին Անանիաշվիլին:
Անանիաշվիլին հաստատել է նաև, որ ձերբակալվել է Իրակլի Չխվիրկիան, ով ձերբակալված է եղել 2018 թվականի մարտին, Բաթումիում տեղի ունեցած անկարգությունների պատճառով:
«Դիմակայությունը սկսվեց այն բանից հետո, ինչ ցուցարարները կառավարության շենքին գնդակներ են կպցրել, իսկ կառավարության անվտանգության ծառայության աշխատակիցները, որոնք շենքի անվտանգությունն են ապահովում, հանել են գնդակները: Մեկ անձ ձերբակալվել է, նրանցից մեկի դեմ գործ է հարուցվել: Տուժածներն այս փուլում չկան», – ասել է Կոնստանտին Անանիաշվիլին:
Ձերբակալությունը իրականացվել է մանր խուլիգանության և ոստիկանությանը չենթարկվելու մեղադրանքով: