Ադրբեջանի արտաքին գործերի նախարարը հեռացվել է պաշտոնից
Ադրբեջանի արտաքին գործերի նախարարը հեռացվել է պաշտոնից

Ադրբեջանի նախագահ Իլհամ Ալիևը աշխատանքից հեռացրել է արտաքին գործերի նախարարին:

Ադրբեջանական լրատվամիջոցների հաղորդմամբ, Իլհամ Ալիևը այսօր ստորագրել է Էլմար Մամեդյարովին ազատ արձակման մասին հրամանագիրը:

Ավելի վաղ երկրի նախագահը քննադատել է արտգործնախարարին: Ըստ Ալիևի, արտգործնախարարը ոչ մի կերպ չի արձագանքել, երբ հայ-ադրբեջանական սահմանին իրավիճակը լարվել էր:

«Ի՞նչ էր անում արտգործնախարարը,ո՞ւր էր նա: Մենք այդ օրը աշխատում էինք մինչև առավոտ: Վարչապետը աշխատավայրում էր, ես նույնպես աշխատում էի: Մեզ հետ միասին էին պաշտպանության նախարարը, գլխավոր շտաբի պետը, ներքին գործերի նախարարը, անվտանգության խորհրդի քարտուղարը : Ինձ չի հաջողվել գտնել միայն արտաքին գործերի նախարարին»,- ասել է նա:

Նախագահի հրամանագրով արտաքին գործերի նախարարի պաշտոնում նշանակվել է Ջեյհուն Բայրամովը, ով 2018 թվականից զբաղեցնում էր կրթության նախարարի պաշտոնը:

Ինչ վերաբերում է Էլմար Մամեդյարովին, ապա նա արտաքին գործերի նախարարի պաշտոնը զբաղեցնում էր 2004 թվականից:

Թողնել մեկնաբանություն