Ավստրալիայի ոստիկանությունը ահաբեկչություն է կանխել
15:07, 28.11.2017
Ավստրալիայի ոստիկանությունը ձերբակալել է տղամարդու, որը, ենթադրվում է, պատրաստվում էր ահաբեկչություն իրականացնել Մելբուրնում Նոր տարվա գիշերը: Այդ մասին հաղորդվում է Վիկտորիա նահանգի ոստիկանության հայտարարությունում:
Ոստիկանության տվյալներով՝ Մելբուրնի Վերիբի արվարձանից 20-ամյա տղամարդը ձերբակալվել է հակաահաբեկչական գործողության ընթացքում: Նա մտադիր էր Մելբուրնի Դաշնության հրապարակում կրակ բացել և սպանել «հնարավորինս շատ մարդու»:
«Ենթադրվում է, որ ձերբակալված տղամարդը մասնակցել է Մելբուրնում Նոր տարվա գիշերն ահաբեկչության նախապատրաստմանը»,- հաղորդվում է ոստիկանության հայտարարությունում:
Այժմ երիտասարդը հարցաքննվում է:
