Հպարտ ենք, որ Վրաստանի պատմությունում առաջին անգամ ընտրել ենք կին նախագահի. Մամուկա Բախտաձե
Հպարտ ենք, որ Վրաստանի պատմությունում առաջին անգամ ընտրել ենք կին նախագահի. Մամուկա Բախտաձե

Հպարտ ենք, որ Վրաստանի պատմությունում առաջին անգամ ընտրել ենք կին նախագահի, սա մեծ հաջողություն է ժամանակակից Վրաստանի պատմությունում,-այս մասին Վրաստանի վարչապետ, Մամուկա Բախտաձեն հայտարարել է Եվրոպայի խորհրդի խորհրդարանական վեհաժողովին ելույթ ունենալու ժամանակ:

Ինչպես նշել է Մամուկա Բախտաձեն, նոր նախագահի ընտրությամբ ուժի մեջ է մտել սահմանադրության նոր խմբագրությունը:

«Այժմ Վրաստանը խորհրդարանական ժողովրդավարություն է, որտեղ ես, երկրի վարչապետը, հաշվետու եմ խորհրդարանի և նրա անդամների, ժողովրդի ընտրյալների առջև: Արդյունքում վերջին բարեփոխումների հիման վրա, Վրաստանի խորհրդարանը դառել է ավելի հզոր, քան եղել է մինչ այդ: Հզոր խորհրդարանը իր հերթին նշանակում է հզոր խորհրդարանական վերահսկողություն»,-հայտարարել է Մամուկա Բախտաձեն:

Թողնել մեկնաբանություն