ԱՄՆ-ի պետքարտուղար Մայք Պոմպեոն, Նիկոլաս Մադուրոյին աջակցելու համար քննադատել է Ռուսաստանին և Չինաստանին: Ինչպես Պոմպեոն հայտարարել է ՄԱԿ-ի անվտանգության խորհրդի նիստին ելույթ ունենալիս, Վենեսուելայում ժողովրդավարությանը չեն աջակցում այն երկրները, որոնք ժողովրդավարություն չունեն:

Ելույթի ժամանակ ԱՄՆ-ի պետքարտուղարը նկարագրել է Վենեսուելայում գոյություն ունեցող ծանր տնտեսական իրավիճակը, որի պատասխանատվությունը Պոմպեոն դրել է Մադուրոյի վրա:

Պոմպեոն կոչ է արել ՄԱԿ-ի անվտանգության խորհրդի անդամ երկրներին և միջազգային համադաշնությանը, Վենեսուելայի նախագահ ճանաչեն ընդիմության լիդեր Խուան Գուաիդոյին, որը երկրում կապահովի ընտրությունների անցկացումը:

Վենեսուելայում վաղաժամկետ ընտրությունների անցկացման անհրաժեշտությունը մեկ անգամ ևս ընդգծել է Մեծ Բրիտանիայի արտաքին գործերի նախարարի տեղակալ Ալան Դանկը: Նույն կարծիքի են Եվրամիության անդամ երկրների մեծամասնությունը:

Նիստին ելույթ է ունեցել նաև Վենեսուելայի ներկայացուցիչը, որը ԱՄՆ-ին մեղադրել է ներխուժման մեջ:

Հիշեցնենք, հունվարի 23-ին Վենեսուելայի խորհրդարանի խոսնակ Խուան Գուաիդոն իրեն հայտարարել է երկրի ժամանակավոր նախագահ: Նրան աջակցել են ԱՄՆ-ն, Լաթինական Ամերիկայի երկրների մեծ մասը: Գուաիդոյին Վենեսուելայի ժամանակավոր նախագահ է ճանաչել նաև Վրաստանը: