Կատալոնիայում համընդհանուր գործադուլի մասնակիցները բնակավայրերում փակել են ավտոմոբիլային ու երկաթուղային ճանապարհները:
Գործադուլավորներնը բողոքում են տարածաշրջանի քաղաքական գործիչների ձերբակալման եւ Կատալոնիայի՝ պաշտոնից հեռացված ղեկավար Կառլես Պուչդեմոնի ու նրա կառավարության նախկին չորս անդամների ձերբակալման հրամանագիր տալու դեմ:
Ակցիայի պատճառով ընդհատվել Է երկաթուղային հաղորդակցությունը Ժիրոնայում: Բարսելոնայում փակ Է Գրան-Վիա հանգուցային փողոցներից մեկը: Ընդհանուր առմամբ Կատալոնիայում ցույցերի պատճառով դժվարացել կամ դադարեցվել Է երթեւեկությունը մի քանի տասնյակ ճանապարհներով:
Ակցիաների մասնակիցները «ազատություն» են վանկարկում։
Բարսելոնայի հասարակական տրանսպորտը դեռեւս գործում Է սովորական ռեժիմով: Կատալոնիայի մայրաքաղաքի մետրոպոլիտենը խոստացել Է, որ ծառայություններ կտրամադրի ողջ օրվա ընթացքում: Մեծացվել են առանձին ավտոբուսների երթեւեկության միջակայքերը, որոնք ընթանում են մինչեւ Էլ Պրատ միջազգային օդանավակայան: