Անկարայում 101 մարդ է բերման ենթարկվել ԻՊ-ի հետ կապ ունենալու մեղադրանքով
Անկարայի նահանգի մի շարք շրջաններից կալանավորման նպատակով բերման են ենթարկվել «Իսլամական պետություն» (ԻՊ) ահաբեկչական կազմակերպության հետ կապ ունենալու մեջ մեղադրվող 101 մարդ:
Ըստ թուրքական «NTV» լրատվամիջոցի լրատվական կայքի՝ օպերացիայի համակարգման աշխատանքներով զբաղվել է Անկարայի ոստիկանության բաժանմունքի ահաբեկչության դեմ պայքարի և հետախզության վարչությունները:
Ընդհանուր առմամբ ԻՊ-ի հետ կապեր ունենալու մեջ 245 մարդ էր կասկածվում: Մնացածի հայտնաբերման համար աշխատանքները շարունակվում են: Գործողությանը մասնակցել է 1500 ոստիկան: