Жәларбжьаратәи аекспертцәа НАТО ахь ааҧхьара ҟарҵеит излауа ала ирласны Қырҭтәылеи Украинеи Алианс алаларазы ауснагӡатәқәа рплан рырҭарц
Жәларбжьаратәи аекспертцәа НАТО ахь ааҧхьара ҟарҵеит излауа ала ирласны Қырҭтәылеи Украинеи Алианс алаларазы ауснагӡатәқәа рплан рырҭарц

 

Жәларбжьаратәи аекспертцәа НАТО ахь ааҧхьара ҟарҵеит излауа ала ирласны Қырҭтәылеи Украинеи  Алианс алаларазы  ауснагӡатәқәа рплан (MAP)  рырҭарц.

Ари аинформациа аладырҵәеит украинатәи АИХ.

Львовтәи жәларбжьаратәи форум аан ирыдыркылаз арезолиуциа ишану ала,  « 2008 шықәсатәи Бухаресттәи асаммит аӡбра инақәыршәаны, НАТО, излауа ала ирласны Қырҭтәылеи Украинеи Алианс алаларазы ауснагӡатәқәа рплан рнаҭароуп».

Аекспертцәа даҽазнык иаҵшьын иазгәарҭеит атрансатлантикатә шәарҭадаразы  Амшын Еиқәа арегион иамоу аҵакы. Дара рҳәамҭала, ашәарҭара хада Урыстәыла аган аҟынтә иҟалар зылшо агрессиа иадҳәалоуп.

Иара убас, арезолиуциа ишану ала, Урыстәыла. Ашьхатә Ҟарабахтәи аимак ахархәарала,   Аахыҵ Кавказ аҿы ахатә аҟазаара азнарҳаит, Амшын Еиқәа рхы иадырхәоит Ааигәатә Мрагылараҿы арратә операциақәа рымҩаҧгаразы плацдармк ҳасабала.

Аекспертцәа ашәара рымоуп НАТО ари  арегион иадҳәаланы астратегиа ахьамам аҟынтә, абри авакуум Урыстәыла иханарҭәаар алшоит ҳәа.

Аекспертцәа НАТО иабжьаргоит аконкреттә шьаҿақәа рыҟаҵара. Импыҵахалоу Ҟрым аҕбақәа европатәи мраҭашәаратәи тәылақәа рбаҕәазақәа рҭалара азин рыҭара ҟалом. Германтәылатәии америкатәи аҕбақәа еснагь Амшын Еиқәаҿы иҟазароуп. Иара убас, аекспертцәа ргәаанагарала, арегион аҿы аҽазыҟаҵаратә база еиҿкаатәуп.

Ари аӡбра иадгылеит  17ҩык аекспертцәа, урҭ рыбжьара, америкатә аинрал Бен Хоџьеси, НАТО амаӡаныҟәгаҩ хада ҧасатәи ихаҭыҧуаҩ Алеқсандр Вершбоуи, Украина арра-мшынтә мчқәа ҧасатәи рнапхгаҩы Игорь Воронченкои.

 

Акомментари аҟаҵара