Урыстәыла   «Омикрон» аҿкаара 2 фактк аарҧшуп
Урыстәыла «Омикрон» аҿкаара 2 фактк аарҧшуп

Урыстәыла акоронавирус аштамм ҿыц  «Омикрон» аҿкаара 2 фактк аарҧшуп. Ари атәы аанацҳаит Роспотребнадзор.

Аштамм ҿыц ала ичмазаҩуп Аладатәи Африкатә Республикантә Урыстәылаҟа инеиз ҩыџьа апассаџьырцәа.

Ишазгәаҭаз ала, дара Урыстәыла ианнеиҵәҟьа адиагноз рзышьақәдыргылан,  аҽыҧхьакраҿы иҟан.

Иара убас,  «COVID-19» ҿыркааит даҽа ааҩык апассаџьырцәа,  аха,  урҭ штаммс ирымоу  макьана еилкаам. Акоронавирус аштамм ҿыц аарҧшуп адунеи  30 ҳәынҭқаррақәа рҿы.