Шарль Мишель Қырҭтәыла иашьҭанеиуа визитла даҭауеит
Шарль Мишель Қырҭтәыла иашьҭанеиуа визитла даҭауеит

Европатәи ахеилак ахада Шарль Мишель Қырҭтәыла иашьҭанеиуа аофициалтә визитла даҭауеит.

Апартиа “Ақырҭуа гәахәтәы” ахантәаҩы Иракли Кобахиӡе ателеканал “Русҭави 2” афеир аҿы иҟаиҵаз аҳәамҭала, авизит ԥхынгәы 19 рзы иалагоит.

Кобахиӡе иажәақәа рыла, авизит аҳәаақәа ирҭагӡаны Европатәи ахеилак ахада анапхгараҭаратә гәыԥ аҟынтә аинформациа ҭбаа иоуеит ԥхынгәы 5 рзы иҟалаз ахҭысқәа ирыдҳәаланы.

“Авизит апланқәа ирылоуп, Европатәи ахеилак ахада ԥхынгәы 18 ма 19 рзы даҳҭаауеит.

Ԥыхнгәы 5 рзы аҭыԥ змаз ахҭысқәа ирызку аинформациа ҭбаа идаҳгалоит – арискқәа зеиԥшраз, азакәанхьчаратә усбарҭақәа рықәҿыҭра зеиԥшраз, аҭыԥ змаз ақәылареи акыдцареи рзы аҳәынҭқарра ақәҿыҭра зеиԥшраз Шарль Мишели апартниорцәеи ари зегьы ирызку адыррақәа раҳҭоит,” – иҳәеит Кобахиӡе.

Акомментари аҟаҵара