Иахьа Қырҭтәыла ахада Саломе Зурабишвилии Украина ахада  Владимир Зеленскии ҭелла еицәажәеит.

Ари атәы аарыцҳаит атәыла ахада лпрессмаҵзура аҟынтә.

Дара иаладырҵәаз аинформациа ишану ала,  Қырҭтәыла ахада, Ҟрым, урыстәыла -украинатә аҳәааҿы аҭагылазаашьа дшаргәамҵуа иазгәаҭаны, даҽазнык ишьақәлырҕәҕәеит Украина дшадгыло.

«Саломе Зурабишвили  иаҵшьын иазгәалҭеит Украина апровокациақәа ирҿагыланы, иаҳзеиҧшу ашәарҭадара еиқәзыршәаша ахырхарҭа заҵәы  — евроатлантикатә интеграциа амҩа ианыланы ҧхьаҟацара ишахәҭоу.

Атәылақәа рхадацәа Амшын Еиқәа ашәарҭадара азҵаара аҵакы иазгәаҭаны, ишырҳәаз ала,  НАТО – Евроеидгыла асаммит аҿы  Қырҭтәылеи Украинеи дара ирзеиҧшу ахықәкы иқәдыргылароуп.

Аганқәа рхаҭарнакцәа ишеиқәшаҳаҭхаз ала, Қырҭтәыла ахада Украина имҩаҧылгараны иҟоу авизит  рхы иадырхәоит абарҭ азҵаарақәа аус рыдуларазы», — иануп аинформациаҿы.