Қырҭтәыла ахада аофициалтә визитла Австриаҟа ддәықәлеит
Қырҭтәыла ахада аофициалтә визитла Австриаҟа ддәықәлеит

Қырҭтәыла ахада Саломе Зурабишвили аофициалтә визитла Австриа ддәықәлеит.

Венатәи аҳаирьаӷәазаҿ Зурабишвили Австриатәи ареспублика Адәныҟатәи аусқәа рминистра хаҭарнакцәа дылԥылеит.

Австриа иҟоу Қырттәыла ацҳаражәҳәаҩ Қеҭеван Цихелашвили лажәақәа рыла, авизит аҳәаақәа ирҭагӡаны Саломе Зурабишвили Австриа ахада Ҳофбургтәи ахан аҟны диԥылоит. Жьҭаара 12 рзы имҩаԥысуа аиԥылара ашьҭахь, ахадацәа аих рзы аҳәамҭақәа еицыҟарҵоит. Иара убас имҩаԥысуеит Австриа-Қырҭтәылатәи абизнесфорум.