Қырҭтәыла Ауаажәларратә дырраҭареи Гурам Ҭаварҭқилаӡе ихьӡ зху ауниверситети аусеицура амеморандум рыбжьарҵеит
17:01, 28.04.2021
Амеморандум аҳәаақәа ирҭагӡаны, Ауаажәларратә дырраҭара астудентцәа ирыднагалоит амедиа ахырхарҭала апрактикатә ҧышәа аиуреи дара ироуз атеориатә дырра ахархәареи.
«Ауаажәларратә дырраҭара ҳасабала, ҳара ҳзы ажурналистцәа иазыҟазҵо аҵараиурҭақәа аус рыцура аҵакы ду амоуп. Актәи аканал астудентцәеи ари акурс иалгахьоу ауааҧсыреи ирыднагалоит ртеориатә дырра апарактикаҿы ирҧышәарц. Иара убас, дара EBU арегионалтә базаҿы имҩаҧысуа атренингқәеи асеминарқәеи рхы рыладырхәыр рылшоит», — илҳәеит Қырҭтәыла Ауаажәларратә дырраҭара агенералтә директор Ҭинаҭин Берӡенишвили.
