Қырҭтәыла Аҧыза-министр Иракли Ҕарибашвили аофициалтә визитла Қырҭтәыла иаҭааиз Лиетуватәи ареспублика адәныҟатәи аусқәа рминистр Габриелиус Лансбергис диҧылеит.
Аганқәа рхаҭарнакцәа ҩ-тәылак рыбжьара апартниортә еизыҟазаашьақәеи Лиетувеи Қырҭтәылеи кыршықәсатәи реиҩызареи иалацәажәеит.

Иракли Ҕарибашвили Габриелиус Лансбергис диацәажәеит Қырҭтәыла импыҵахалоу аҵакырадгьылқәа рҿы аҭагылазаашьа цәгьа иазкны,  анеҩс, Қырҭтәыла ахьыҧшымреи аҵакырадгьылтә акзаареи, атәыла евроатлантикатә интеграциеи  адгыларазы ҭабуп ҳәа иеиҳәеит.

Хшыҩзышьҭра азун Қырҭтәыла европатәи евроатланатаикатәи интеграциа апроцесси абри апроцесс аҿы Лиетува аҟынтә атәыла иамоу адгылара аҵаки. Аиҳабыра рнапхгаҩы ишиҳәаз ала, Евроеидгыла ашҟа аинтеграциа Қырҭәтыла аиҳабыреи ақырҭуа жәлари еицҿакны ирыдыркылаз аӡбароуп, Қырҭтәыла 2024 шықәсазы Евроеидгыла алаларазы азыҳәамҭа аҟаҵаразы аҽазыҟанаҵоит. Аҧыза-министр ишазгәеиҭаз ала, Қырҭтәыла аиҳабыра, европатәи евроатлантикатәи интеграциа апроцесс аҿы Лиетува аҟынтә атәыла иамоу адгылара ахә ршьоит.

Аганқәа рхаҭарнакцәа,  еиуеиҧшым аусхкқәа рҿы ҩ-тәылак рыбжьара аусеицуреи аекономикатә аизыҟазашьақәа иаҳа рырҭбаареи аҵакы иазааҭгылеит, ҷыдала,   COVID-19 апандемиа амшала адунеи аҿы иҟоу акризис аҿагылара апроцесс аҿы.

Аҧыза-министр Лиетува анапхгара ҭабуп ҳәа реиҳәеит акоронавирус аҿагылара апроцесс аҿы Қырҭтәыла иазоурышьҭыз агуманитартә цхырааразы. Иара ишиҳәаз ала, авакцина аиура апроцесс аҿы аиҩызаратә тәыла адгылара  аҵакы ду амоуп, избанзар, авакцинациеи апандемиа аҿагылара апроцесс аҿы аҳәынҭқаррақәа реидгылареи зеиҧшҟамлац аҵакы амоуп.