Аинаалареи атәылауаҩратә аиҟарареи азҵаарақәа рзы Қырҭтәыла аҳәынҭқарратә министр Ҭеа Ахвледиани ишылҳәаз ала, Қырҭтәыла анапхгара Аҧсны  де-факто аиҳабыра амца арцәараҿы ирыцхраарц ихиоуп.

«Импыҵахалоу Аҧсны абылра аныҟала, ҳара де-факто анапхгра иаразнакҵәҟьа адырра раҳҭеит амца арцәараҿы ҳрыцхраарц ҳшыхиоу.

Гал араиони Аҧсны егьырҭ араионқәеи рҿы  абылрацәыхьчаратә усурақәа рымҩаҧгара ҳшазыхиоу идҳарбарцаз,  ажьырныҳәа 5 шьыжь инаркны изныкымкәа Ацәаҳәа ҷыда ҳхы иаҳархәит.

Уажәазы ҳара  де-факто  анапхгара рҟны еиҧҟьарада аимадара ҳамоуп. Аконкреттә аҭак анҳаулак, апроцесс ҳхы алаҳархәоит.

Ҳара аимадара ҳабжьоуп, ҩ-ганктәи адиалог мҩаҧаагоит.  Уажәтәи аетап азы ҳаиҿцәажәара адетальқәа сызрылацәажәом. Де-факто анапхгареи ҳареи ҳаимадареи ҳдиалоги нагӡахоит», — илҳәеит Ҭеа Ахвледиани.