Алианс апозициа еилкаауп, Урыстәыла, ахатә гәылацәа – Қырҭтәылеи Украинеи агрессиала ирызныҟәоит, – ахыхьчара аполитика азҵаарақәа рзы НАТО амаӡаныҟәгаҩ хада ихаҭыҧуаҩ  Патрик Тернер ари аҳәамҭа ҟаиҵеит Таллин имҩаҧысуаз „Бухаресттәи ажәбарак“  иалоу атәылақәа рдәныҟатәи аусқәа рминистрцәа реиҧылараҿы. Ари аинформациа аланарҵәеит Естониа ауаажәларратә дырраҭара.

Патрик Тернер ишазгәеиҭаз ала, НАТО апозициа аҽамҧсахит. Алианс алахәылацәа ргәаанагарала, Урыстәыла, ахатә гәылацәа, Қырҭтәылеи Украинеи агрессиала ирызныҟәоит, аха, НАТО апозициа Урыстәыла апровокациа азура акәӡам изызку, уи лабҿаба иҟоу аҭагылазаашьа аарҧшроуп.

НАТО амаӡаныҟәгаҩ хада иҭахыҭуаҧ иҳәамҭала, Аҩадаатлантикатәи алианси Урыстәылеи реизыҟазаашьақәа ҧхасҭахеижьҭеи крызҵуеит, аҵыхәтәантәи 18 мза рыҩнуҵҟа  НАТОи Москвеи рыбжьара ишиашо адиалог  мҩаҧгамызт.

Таллин имҩаҧысуаз аиҧылара далахәын Европеи Евразиеи азҵаарақәа рзы Америка аҳәынҭқарратә маӡаныҟәгаҩ ицхырааҩ Карен Донфрид. Иара ишиҳәаз ала, аиҧылараҿы НАТО иаарту ашә аполитикеи, НАТО аҟны аусеицура арҭбааразы Қырҭтәылеи Украинеи ирымоу алшарақәеи ирылацәажәеит.

„Бухаресттәи ажәбарак“  2015 шықәсазы еиҿкаан, Урыстәыла ала Ҟрым аннексиа аамышьҭахь. Аидҵара  иалоуп Польшеи, Румынтәылеи, Лиетувеи, Латвиеи, Естониеи, Венгриеи, Чехиеи, Словакиеи, Болгариеи.