Мариа Захарова – Украинеи Қыҭтәылеи НАТО иалалоит ҳәа НАТО асаммит аҿы иҟаҵаз аҳәамҭа аҭышәынтәалареи ашәарҭадареи ахықәкқәа ирышьашәалам
Мариа Захарова – Украинеи Қыҭтәылеи НАТО иалалоит ҳәа НАТО асаммит аҿы иҟаҵаз аҳәамҭа аҭышәынтәалареи ашәарҭадареи ахықәкқәа ирышьашәалам

Мариа Захарова – Украинеи Қыҭтәылеи НАТО иалалоит ҳәа НАТО асаммит аҿы иҟаҵаз аҳәамҭа аҭышәынтәалареи ашәарҭадареи ахықәкқәа ирышьашәалам

Урыстәыла адәныҟатәи аусқәа рминистрраҿы ишырҳәаз ала,  Украинеи Қыҭтәылеи НАТО иалалоит ҳәа НАТО асаммит аҿы иҟаҵаз аҳәамҭа аҭышәынтәалареи ашәарҭадареи ахықәкқәа ирышьашәалам.

Урыстәыла адәныҟатәи аусқәа рминистрра аофициалтә хаҭарнак Мариа Захарова ари аҳәамҭа ҟалҵеит абрифинг аҿы алианс арҭбаара иазкны илырҭаз азҵаара аҭак аныҟалҵоз.

Урыстәылатәи аминистрра ахаҭарнак ишазгәалҭаз ала, Мраҭашәара Урыстәылахь ааҧхьара ҟарҵоит жәларбжьаратәи азини аҧхықәрақәеи рынагӡара иазкны, аха, дара рхаҭа, Урыстәыла-НАТО ашьаҭаркратә акт иаҿагылоит.

«Урыстәылантә иаҳәоит ҳара жәларбжьаратәи азини ҳхы иадаҳҵаз аҧхықәрақәеи наҳагӡарц.  Урыстәыла уи ҟанаҵаанӡа дара ҳтәыла  «аанкылра» аполитика мҩаҧыргоит ҳәа аарыцҳаит.  Ишырҳәо ала, абри зегьы ҟарҵоит Урыстәыла-НАТО ашьаҭаркратә акт инақәыршәаны. Алианс Урыстәыла иаҧырхагам ҳәа рҳәеит, аха, уи аамҭазы, еснагь атәыла ҿыцқәа адрыҧхьалоит. Зымҽхак дуу арратә азыҟаҵарақәа мҩаҧыргоит, рхатә потенциали аинфраструктуреи урыстәылатәи аҳәаа иазааигәаны идыргылоит», — илҳәеит Захарова.

 

Акомментари аҟаҵара