Лилиан Мори Паские  -  Ҩажәа шықәса рыла Қырҭтәыла изныкымкуа иаанарҧшит Европеи европатәи апринципқәеи ишрызгәыку 
Лилиан Мори Паские  -  Ҩажәа шықәса рыла Қырҭтәыла изныкымкуа иаанарҧшит Европеи европатәи апринципқәеи ишрызгәыку 

 

Қырҭтәыла свизит алшара ду ҳнаҭоит Қырҭтәылеи Европа Ахеилак Апарламенттә Ассамблеиеи рыбжьара ишьақәгылаз аусеицура аҵакы азгәаҭаразы, – илҳәеит Европа Ахеилак Апарламенттә Ассамблеиа ахада Лилиан Море  Паские  Қырҭтәыла апарламент ахантәаҩы Иракли Кобахиӡе даниҧыла ашьҭахь.

Паскиеи Қырҭтәылеи Европа Ахеилаки русеицура далацәажәеит.

„Апарламенттә Ассамблеиа ахада лаҳасаб ала гәахәара ду ала Қырҭтәыла саҭааит. Иракли Кобахиӡеи сареи ҳаиҧылара аинтерес ду аҵан.  Сара свизит ҳусеицура арҭбаара иацхраауеит ҳәа сгәы иаанагоит.  Ҩажәа шықәса рыла Қырҭтәыла изныкымкуа иаанарҧшит Европеи европатәи апринципқәеи ишрызгәыку. Шәара еиуеиҧшым аинститутқәа рҿы ареформақәа мҩаҧыжәгеит“, – илҳәеит Лилиан Мори Паские.

Лара иаҵшьны иазгәалҭеит  Европа Ахеилаки,  Венециатәи акомиссиеи,  Апарламенттә Ассамблеиеи ари апроцесс аҿы инарыгӡо ароль.

Европа Ахеилак Апарламенттә Ассамблеиа ахада ишылҳәаз ала, авизит аҳәаақәа ирҭагӡаны,  Қырҭтәыла ахада Саломе Зурабишвилии, Аҧыза министр Мамука Бахтаӡеи, адәныҟатәи аусқәа рминистр Давиҭ Залкалиани, егьырҭ аофициалтә хаҿқәеи дырҧылоит. Уаҵәы, Қырҭтәыла апарламент аҿы, Европа Ахеилак ашҟа Қырҭтәыла алалара инаркны 20 шықәса аҵра иазку асессиа аадыртуеит.