Женеватәи жәларбжьаратәи аиҿцәажәарақәа иалагеижьҭеит 13 шықәса ҵит.  Қырҭтәыла адәныҟатәи аусқәа рминистр ихаҭыҧуаҩ Лаша Дарсалиа аиҿцәажәарақәа рҵаки рформати даналацәажәоз, иаҵшьны иазгәеиҭеит ф-пунктк рыла ишьақәгылоу аиқәшаҳаҭра анагӡара шакәу  ахадаратә ҵакы змоу, убри азоуп Женеватәи аиҿцәажәарақәа изалагаз.

Дарсалиа ишиҳәаз ала,  Женеватәи аиҿцәажәарақәа альтернатива рымам.

Иара убас, Дарсалиа ишиҳәаз ала, ф-пунктк рыла ишьақәгылоу аиқәшаҳаҭра анагӡара аганахьала  крызҵазкәа апрогресс иҟам.

«Зыӡбахәы ҳәоу аформат шьаҭас иамоу апринцип ауп ахадара злоу. Абри апроцесс ф-пунктк рыла ишьақәгылоу аиқәшаҳаҭра анагӡаразы иалагеит. Уи аҵакы ду амоуп, избанзар, ф-пункттәи аиқәшаҳаҭра нагӡахар,  2008 шықәсатәи аибашьранӡа иҟаз аҭагылазаашьа ҳазыхынҳәуеит, уи аимак аҭыҧқәҵара апроцесс аҿы раҧхьатәи шьаҿахоит. Убри аҟынтә, Женеватәи аиҿцәажәарақәа альтернатива рымам, ҳара абри ахырхарҭала ҧхьаҟацара наҳагӡароуп. Ф-пункттәи аиқәшаҳаҭра анагӡара апроцесс аҿы крызҵазкәа апрогресс иҟам, аха, аинцидентқәа рпревенциа акомпонентгьы аҵакы ду амоуп. Инеизакны иуҳәозар, апрогресс ҳалацәажәар ҳалшоит  аинцидентқәа рпревенциа мацара акәымкәа, крызҵазкәа апрогресс анҳаулак мацара, », — иҳәеит Дарсалиа.