Џьо Баиден - Путин ауаҩшьҩы иоуп ҳәа сгәы иаанагоит, 2020 шықәсазы Америка алхрақәа рҽалагаларазы ахә ашәара иқәшәоит
Путин ауаҩшьҩы иоуп ҳәа сгәы иаанагоит, 2020 шықәсазы Америка алхрақәа рҽалагаларазы ахә ашәара иқәшәоит, — иҳәеит Америка ахада Џьо Баиден АВС иеиҭаз аинтервиу аҿы.
«Иара хымҧада ахә ашәара иқәшәоит, шәара хымҧада уи жәбоит. Ҳара кыраамҭа ҳаицәажәон. Ибзиаӡаны дыздыруеит. Аиҿцәажәара ҳаналагоз абас иасҳәеит: «Сара ибзиаҵәҟьаны уздыруеит, уаргьы судыруеит. 2020 шықәсазы Америка алхрақәа уҽалаугалеит ҳәа ишьақәсырҕәҕәар, ухианы уҟазароуп», — иҳәеит Баиден.